Bu gün Azərbaycan Dövlət İqtisad Universitetinin Heydər Əliyev Mərkəzində Beynəlxalq Avrasiya Mətbuat Fondunun prezidenti, ictimai xadim, “Əməkdar Mədəniyyət işçisi” Umud Mirzəyev universitetin "Sabah qrupları" və "Maliyyə və Mühasibat Uçotu" fakultəsinin tələbələri ilə görüşüb.
Azərbaycan Dövlət İqtisad Universitetinin Tələbə Elmi Cəmiyyətinin təşəbbüsü ilə keçirilən görüşdə əvvəlcə Umud Mirzəyevin rəhbərlik etdiyi təşkilatın - BAMF-ın 32 illik fəaliyyətini əks etdirən sənədli film nümayiş olundu. Ardınca, fondun prezidenti Umud Mirzəyev karyerasının ilk günlərindən indiyədək əldə olunan uğurlardan, qazanılan nailiyyətlərdən və qarşıya çıxan çətinliklərdən danışıb. U.Mirzəyevdən sonra söz alan BAMF-ın Proqram Departamentinin Rəhbəri Xudaverdi Quliyev "3 Sıfır" layihəsindən bəhs etdi, həmçinin bu cür görüşlərin və təşəbbüslərin əhəmiyyətini qeyd etdi. Nobel Sülh Mükafatının laureatı Məhəmməd Yunusun ideya müəllifi olduğu "3 Sıfır" təşəbbüsü ilə bağlı tələbələri məlumatlandıran X.Quliyev komandaların fəaliyyəti haqqında danışdı. Çıxışlardan sonra tələbələr mövzu ilə bağlı Umud Mirzəyevə suallar verdilər ki, bu da müzakirənin produktivliyini artırdı. Görüşün sonunda tədbir iştirakçıları xatirə şəkli çəkdirdilər.
